SIBU - Ketegal ti ngelaban Atur Nagang Pemindah (PKP) ke udah berengkah dipejalaika berindik ari pengelekai pandemik COVID-19 tu nyadi, 14 iku orang nyengkaum tujuh iku pekereja kilang dibai ngagai kort majistret ba ditu, kilah ensanus.

Ensunai Eyok, 41 ari Kapit, siku pedaja ba pasar tamu udah dijil pengelama empat bulan lalu napi ukum mata duit sepenyampau RM5,000 laban udah ngereja dua bengkah penyalah.

Iya ditinggang ukum jil pengelama tiga bulan enggau ukum mata duit sepenyampau RM4,000, ketegal udah nagang pemesai Opis Pelilih Menua Pesisir Sibu (SRDC) lebuh bejalaika pengawa.

Kelimpah ari nya, iya mega diukum jil sebulan enggau ukum mata duit RM1,000 laban ditemu pansut ari rumah lalu ngelawa Pasar Tamu Sibu Jaya, ke mega sebengkah palan ti ditagang dalam timpuh PKP enggau nadai batang tuju, urung pukul 10.30 pagi kena 25 Mac empai lama.

Kededua penyalah ti dikereja nya ari baruh Atur 3 (1) Nagang enggau Nyeliah Penyakit Berampit (Tusun Atur Dalam Kandang Endur Berampit) 2020, ti tau diukum ari baruh Atur 7 (1) enggau atur ke sama.

Penyalah tu dikereja iya ba Pasar Tamu Sibu Jaya urung pukul 10.30 pagi kena 25 Mac empai lama, ari baruh Seksyen 186 Kanun Keseksaan.

Senentang kes ke bukai, empat iku lelaki ari Kuching ke beumur 31 enggau 37 taun, sama bela napi ukum mata duit RM1,000 sereta dijil pengelama dua bulan ketegal ditemu nadai pemendar mindah tauka batang tuju ke patut di Jalai Paradom, Lanang Sibu, ke mega siti ari bagi palan ke ditagang maya PKP.

Sida ditan ketegal ngereja penyalah nya urung pukul 11.50 malam kena 28 Mac.

Berebak enggau nya, sekeda kes ke bukai iya nya dua iku raban dagang ngaku diri enda salah, ke penyalah ti dikereja seduai iya ari baruh PKP.

Seduai disangka (dakwa) sama ngereja penyalah (bersubahat) enggau tujuh iku pekereja nya, ari baruh PKP ba sebuah kilang, Jalai Alan pukul 11.50 pagi kena 27 Mac empai lama.

Sementara nganti kes nya diatur kena 4 Mei tu ila, sida dikemendar ikat jamin dua penyamin kandang menua enggau mata duit RM1,500.

Tujuh iku pekereja tu mega diripotka sama beraban dalam kilang, lalu nadai batang tuju kebendar lalu palan tu mega ditagang dalam atur PKP.

Berindik ari nya, semua sida mega dikemendarka ikat jamin dua iku penyamin ari kandang menua empu enggau penyampau RM1,500, sementara nganti pengawa ngatur kes tu sebedau bechara kena 4 Mei ti deka datai.

Pia mega, sida dipinta ngeripot diri ngagai balai polis ke semak, tetiap dua minggu sekali.

Siku pedaja ba pasar tamu dijil pengelama empat bulan lalu napi ukum mata duit sepenyampau RM5,000 laban udah ngereja dua penyalah. - UB

Mycomments:
I cannot find the English copy of this article.  Luckily, my friend sent me this copy so that I can share out this sad news to all.  These three petty traders came out to do business when the Movement Control Order came into effect.  When the enforcement officers came, they refused to obey the ruling as they need the income to maintain their household expenses.  As a result, the enforcement officer handcuffed them and they were fined heavily. 

Now the question is how can the poor people like them pay such a hefty fine?  I wonder who is the YB in the area.  I hope someone will help them to connect to the YB and help them to plead for mercy.